Ki Hajar Dewantara

Ki Hajar Dewantara
Ki Hajar Dewantara
Mentri Pendhidhikan Nasional Republik Indonesia ka-1
Mangsa jabatan 2 September 1945 – 14 November 1945
Pejabat sadurungé	Ora ana, jabatan anyar
Pengganti	Todung Sutan Gunung Mulia
Lair	2 Mei 1889 Yogyakarta, mangsa Hindia Walanda
Tilar donya	26 April 1959 (umur 69) Yogyakarta, Indonesia
Agama	Islam

Ki Hadjar Dewantara lair ing Yogyakarta, 2 Mei 1889 – tilar donya ing Yogyakarta, 26 April 1959 kanthi yuswa 69 taun^[1]; kuwi sawijining pelopor pendhidhikan kanggo kaum pribumi Indonesia ing zaman panjajahan Walanda.

Lair kanthi jeneng Raden Mas Suwardi Suryaningrat, Ki Hajar Dewantara ngadegaké perguruan Taman Siswa sing mènèhi kasempatan marang para pribumi supaya bisa olèh pendhidhikan kayadéné para priyayi utawa wong-wong Walanda.

Tulisan Ki Hajar Dewantara sing misuwur yakuwi "Yèn Aku Wong Landa" (irah-irahan asli: Als ik eens Nederlander was), dipacak ing surat kabar de Expres duwèké Dr. Douwes Dekker, taun 1913. Artikel iki ditulis jroning kontèks rencana pamaréntah Walanda ngumpulaké sumbangan saka Hindia Walanda (Indonesia), sing wektu kuwi isih durung mardika, kanggo prayaan kamardikan Walanda saka Prancis.

Ki Hajar Dewantara séda tangggal 26 April 1959 lan disarèkaké ing Wijayabrata, désa Mlati, Sleman, Yogyakarta. Tanggal lairé, 2 Mei, sabanjuré didadèkaké Dina Pendhidhikan Nasional ing Indonesia. Ki Hajar Dewantara dikenal minangka Bapak Pendhidhikan Indonesia lan pasuryané bisa dideleng ing dhuwit kertas pecahan Rp 20.000 taun emisi 1998.^[2]